Mehmedi: Shaqiri, transferimi më i madh në vitët e fundit
Botuar nga Driton Zenku
Ish-sulmuesi i Zvicrës, Admir Mehmedi, e ka vlerësuar shumë lart kthimin e Xherdan Shaqirit te Baseli. 32-vjeçari është kthyer në klubin e fëmijërisë pas karrierës shumë të suksesshme, ndwrsa së fundi ishte në SHBA te Çikago. Të gjitha fanellat e Shaqirit të vëna në shitje nga Baseli janë shitur menjëherë, ndërsa entuziazmi te tifozët e Baselit është në maksimum. Shaqiri luajti të dielën ndeshjen e parë për Baselin pas kthimit dhe impresionoi.
“Është transferimi më i madh në vjetët e fundit, nëse jo transferimi më i madh në histori të Superligës”, ka thënë Mehmedi, që tani është i angazhuar si ekspert i futbollit në “bluewin.ch”.
Ai ka lavdëruar drejtuesit e Baselit që ia dolën të angazhojnë Shaqirin.
“Kthimi i tij është gjë shumë e madhe për futbollin e Zvicrës, për tifozët dhe për gjithë ligën”, ka thënë Mehmedi.
Mehmedi dikur ka ndarë dhomën me Xherdan Shaqirin. Të dy ishin shumë të rëndësishëm te Zvicra. Mehmedi thotë se Shaqiri ka pasur edhe oferta tjera. Ai ka folur edhe për Xherdanin si person. Ka thënë se qëndron fuqishëm me këmbë në tokë.
“Xherdani është shumë i këndshëm dhe shumë qesharak. Është shumë, shumë mirë që nuk ka ndryshuar me kalimin e viteve. E kam takuar së fundi pas Evropianit dhe ai është i njëjti Shaq që ishte”, ka thënë Mehmedi.
Botuar nga Driton Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
